గ్రూప్ 2, పోలీసు కానిస్టేబుల్ పరీక్షలు రెండునెలల పాటు వాయిదా

గ్రూప్ 2, పోలీసు కానిస్టేబుల్  పరీక్షలు రెండునెలల పాటు వాయిదా


గ్రూప్ 2, పోలీసు కానిస్టేబుల్  పరీక్షలు రెండునెలల పాటు వాయిదా వేయాలని తెలంగాణ ప్రభుత్వం TSPSC ని కోరింది. గ్రూప్ పోస్టులను పెంచిన తర్వాత పరీక్షలు నిర్వహించాల్సిందిగా ప్రభుత్వం కోరింది.  ఏ ఏ శాఖలో ఎన్ని పోస్టులు భర్తీ చేయాల్సి ఉందో నోటిఫై చేయాలని ప్రభుత్వం అధికారులను ఆదేశించింది.  పోస్టులు పెంచాలని కొద్ది రోజులుగా విద్యార్థులు ఆందోళన చేస్తున్నారు. ఈ క్రమంలోనే విపక్షాలు సీఎం కేసీఆర్ ను కలిసి పోస్టులు పెంచే విషయమై ఆలోచించాలని కోరాయి.  ఎస్ఐ పరీక్షలో ఇంగ్లీష్ పేపర్ కు వెయిటేజీ నిబంధనను తొలగిస్తున్నట్లు అధికారులు తెలిపారు. సెంట్రల్ గవర్నమెంట్ పరీక్షలు ఉన్న సమయంలో  రాష్ట్ర నియామక పరీక్షలు జరపవద్దని ఈ నిర్ణయం తీసుకున్నారు.